حضرت البارحة وحدي
بدون أحباب
بدون اسباب ماجيتي
وانا اللي كنت متحدي
تمريني مع الأحلام.!!
معك أقدام من شوقي..
وسَلَّة من قديم أعوام
لها ريحة من عروقي
على وعدي..
حضرت بكل ما أملك..من عيوني .!!
واحس أني سبقتك طيف..
وجالك هالجسد بعدي
على وعدي
زرعت فراحتي وردة..
تشوفيها...؟
نسيت أني انا لوحدي..
وقمت أسأل لااجل أكسر
زجاجة هالملل واخسر
مراية كانت قبالي بها وجهي..
بها لوم وبها عاشق
أحسه حيل يسفهني
إذا ناديت له أصبر ولا جاوب
وانا من قبل لا يحزن أحسه حيل يشبهني..
ولا جاوب
وراح ولا بقى وجهي سوى فعينك..
وعينك وين ....؟ ماجيتي
بدت هالناس تاكلني وانا لحالي..
بديت آشك في ( مدري)
ولكنِّي...بديت آآشك..
بديت آحس في صدري
مُدن تندك..
أظافر هالقلق صارت تراودني على نفسي
تقلمني مثل ذكرى قبل لاخذ وَعَد منِّك
وقلت ارجوك لاتنسي..
نسيتي صح..؟ داري بك..
أنا ادري هالخطا منِّي
نسيت أن المواني عين..في عينك.. ولا لوَّحت
وهذا ذنب يستاهل تخليني..
أناني حيل وادري اني اناني وانتي قبلهم عرفتيني..
تعالي وربي منظري بايخ..وانا ماشي..!
كأني حب لكَّنه بليا أطراف
كأني من طرف واحد بديت آخاف..
على أيَّة حالي خليني على ايَّة حال..
أحس الوقت متأخر على (وينك)..!!
تعودت يضيع مني دائما وعدي
او للأسف مكتوب اعيش وحدي
ليست هناك تعليقات:
إرسال تعليق
يهمنا النقد البناء والرأي العام
أضف تعلقيك / لكن تذكر أن يديك سوف تتحاسب يوم القيامة