From: bn_hadawi
والله ان قد لي وانا اصد لاجالك مجال
صدّت اللي لاتضايق تذّكر قبـر اخيـه
ومن سألني قلت مدري واذا عاد السؤال
قلتله تكفى سؤالك ترى ماهـو وجيـه
وش تبيني اقول عماََ ترى ذبحي حـلال
والخطا منها علي صرت احبه واهويـه
عذرها لو ماتعذر مثل واضـرب مثـال
واحدن مايعرف الحر الأشقر يشتويـه
وان رجعنـا للتواصيـف لله الكـمـال
لا انتهى ليل المزاييـن جاتـك تبتديـه
كنها غفلٍ مع البـدو طاويهـا الحيـال
ما يميز وصفهـا الاّ نبيـهٍ مـن نبيـه
واهني اللي وصلها وذاق امـن الـزلال
رشفةٍ مع غفلة الناس من فيهـا لفيـه
واعزتي للي سواتي عشق ما لا يطـال
ويوم طاله ضيع الحلم بين أمه و ابيـه
يااول احلام الطفوله على حـد الخيـال
الرجا بللي حمى البيت من حملة بريـه
حال دونك سيف عنتر وتاسع حول حال
باثر حولٍ حال دونك وانا ادعي هيه هيه
هيه يللي غرك الحسن واطغاك الجمـال
والله ان اموت ماشفت لاوصافك شبيـه
لو يسام الحسن والتيه بجنيـه وريـال
مابقى في سوق غيرك لا ريال ولاجنيه
كيف اهدك للمقابيل وانتـي راس مـال
راس مال ومال والماال مايعطى السفيه
حافظك حفظي لعيني ورمشي لك جـلال
وانتي تشحّين بالما وانا شفّـي مويـه
شايفن ظلمك وساكت وطال الليل طـال
لاتركتي طعن قلبي وانا ماقلـت ليـه ؟
لو بقا للهيل صبرن على فـوح الـدلال
مابقى للقلب صبرن على شـيٍ يجيـه
ليست هناك تعليقات:
إرسال تعليق
يهمنا النقد البناء والرأي العام
أضف تعلقيك / لكن تذكر أن يديك سوف تتحاسب يوم القيامة