أنا وشلون أعيش اليوم باقي العمر من دونك
عسى ماشر وش الي صار ؟ علمني وانا عونك
ولكن لا تخليني فديت أهلك .. ومن جابك
عيوني ما تنام الليل .. ألا يا حظّها عيونك
تنام الليل ما تدري وش الي صار بأسبابك
يقولون فـ غيابك : تاركك وآكيد بيخونك
وأقول آبوك يالعاذل على آبو من تعزوا بك
أبيك تصير سجّاني وأنا باصير مسجونك
أبيك تحطني نخلة .. وأنا باعيش بترابك
أبيهم يكتبوني في سطور الحب مجنونك
أبي أصبح رواية عشق في صفحات بكتابك
أنا فيني خليط من الغلا والشوق يرثونك
أنا ودي أكون أول ... وآخر حب ينتابك
حبيبي ضحكتي ودمعه لقاك اليوم يدعونك
وتشقيني هموم مفارقك والبعد وأشقا بك
وأنا ما ظنتي أقدر أكمّل يومي بدونك
كفااااية لا تطولها .. "ذبحني الشوق بغيابك" 
ليست هناك تعليقات:
إرسال تعليق
يهمنا النقد البناء والرأي العام
أضف تعلقيك / لكن تذكر أن يديك سوف تتحاسب يوم القيامة