طال السكوت وفور الصمت دمي
ما للكلام بصدر الأحباب سيره
تعبت أفضفض لأقرب الناس همي
واشكيه منه واسأله وأستشيره
سهيت فيه وصوت الهم باسمي
ولبيت له دمع العيون الغزيرة
البارحة ما نشف الدمع كمي
ولا وقفت بيض المناديل سيره
يا صاحبي لو يدفن الوقت حلمي
تبقى الأماني في عيوني كبيره
اخذ من أثقال الصواديف وارمي
وأقول عادي يمكن تكون خيره
أزم نفسي عن غثا الناس زمي
وأرقابها روس الجبال العسيرة
والجرح لو انه من البعد يدمي
رضيت به لو العواقب خطيرة
احترت أنا مابين حربه وسلمي
صرت الأسير اللي وفا مع أسيره
البارحة جابته الأشواق يمي
وفوحت له طيب القصيد وعبيره
ليست هناك تعليقات:
إرسال تعليق
يهمنا النقد البناء والرأي العام
أضف تعلقيك / لكن تذكر أن يديك سوف تتحاسب يوم القيامة